Президент Байден: АҚШ пен Германия «Солтүстік ағын 2» іске қосылуына жол бермеу үшін жұмыс істеп жатыр

Джо Байден. Фото: Кевин Ламарк / Reuters

АҚШ президенті Джо Байден ел әкімшілігі Германия билігімен бірлесіп ресейлік «Солтүстік ағын-2» газ құбырының іске қосылмауы үшін қажетті шараларды әзірлеп жатқанын айтты, деп хабарлайды РИА Новости.

Байден Украина дағдарысы туралы сөйлеген сөзінде АҚШ пен Германияның Солтүстік ағын 2-ні тоқтатуды жоспарлағанын айтты. Бұл бағытта елдер бірлесіп жұмыс жасауда.

«Ресейдің әрекетіне байланысты біз Германиямен бірге «Солтүстік ағын-2» газ құбырының – мен бұрын уәде еткенімдей – іске қосылмауын қамтамасыз ету үшін жұмыс істеп жатырмыз», – деді ол.

Америка президенті Батыс елдері Ресейдің Украинаға қарсы әрекетіне жауап беруге дайын екенін қосты.

«Біз Украинаны қолдауда біртұтаспыз. Біз Ресей агрессиясына бір кісідей қарсымыз. Біз НАТО альянсын қорғауға деген ынта-жігеріміз біртұтас», — деп түйіндеді ол.

2021 жылдың күзінен бері Киев пен Батыс Ресейді Украина шекарасына армияны тартып, әскери шабуылға дайындалды деп айыптап келеді. Мәскеу мұндай жоспарлардың бар екенін бірнеше рет жоққа шығарды. Ресей лидері Владимир Путиннің түсіндіріп өткеніндей, НАТО-ның алдағы «басқыншылық» туралы мәлімдемелері үрей туғызады.