Мьянма бюджетті толтыру үшін мемлекеттік онлайн лотерея өткізеді
Фото: Сое Зея Тун / Reuters
Мьянманың әскери билігі салықты азайту жағдайында ел бюджетін толықтыру үшін мемлекеттік онлайн лотерея өткізуді жоспарлап отыр, деп жазады Bloomberg.
Олар оны наурыз немесе сәуір айларында жеке компаниялармен серіктесе отырып іске қосқысы келеді. Билік бірнеше жергілікті және шетелдік фирмалармен келіссөздер жүргізуде. Пандемия және шетелдік компаниялардың осы азиялық елдің нарығынан кетуі фонында ақша қажет. Бұған дейін Мьянма ұлттық бірлігі үкіметі әскери билікке қарсы тұрып, мұндай әрекетті сәтті жүзеге асырған болатын.
Дүниежүзілік банктің мәліметінше, өткен жылы елдің ішкі жалпы өнімі 18 пайызға, ұлттық валюта (кят) 34 пайызға төмендеген. АҚШ валюта қорының бір бөлігін тоқтатып, халықаралық ұйымдар көмек көрсетуді тоқтатқаннан кейін елдің экономикалық жағдайы одан сайын нашарлады.
Венесуэла, Мьянма және Ауғанстан Халықаралық валюта қорының қара тізіміне еніп, бұл елдерге берілетін көмек тоқтатылды.
2021 жылдың ақпан айында Мьянмада әскерилер 2020 жылдың күзіндегі сайлау нәтижелерімен келіспеушілік салдарынан мемлекеттік төңкеріс жасады. Олар үкіметті таратып, ел президенті Вин Майн мен мемлекеттік кеңесші және сыртқы істер министрі қызметін атқарған Аун Сан Су Чжиді қамауға алды. Биліктен айырылған депутаттар Мьянма ұлттық бірлігі үкіметін ұйымдастырып, әскери режимге қарсы күреске кірісті. Олар қазір ресми түрде қуғында және елде ресми қызметтер атқаруға құқығы жоқ.