77 жастағы беделді шыны ыдыстар мен ас үй ыдыстарын шығаратын Duralex компаниясы қараша айының басында электр қуатының жоғары бағасына байланысты өндірісті жабуға мәжбүр. Халықаралық Reuters агенттігі Еуропаның Ресейге қарсы санкция салуының салдары туралы жазды.

Бас директор Хосе-Луис Ллакуна басылымға былай деді: «Біз газ бен электр қуатының керемет, тұрақсыз және тіпті ақылсыз бағаларымен бетпе-бет келіп отырмыз. Біз өз өнімдерімізді сатудан түскен барлық пайданың 40 пайызын тек электр энергиясы үшін төлеуіміз керек еді. Мұндай жағдайда біз жұмыс істей алмаймыз».

Француз қолданушылары атақты шыны зауытының өндірісін уақытша тоқтатуды теріс қабылдады. Бұл компанияның 250 қызметкері ақысыз демалысқа мәжбүрлі түрде жіберіледі деген хабар француздарды ерекше таң қалдырды.

Журналист Дидье Майсто әлеуметтік желіде наразы хабарлама жариялады: «Көптеген француз компаниялары бұдан былай арзан электр қуатын ала алмай, мыңдаған білікті қызметкерлерді жұмыссыз қалдырады. Француз үкіметінің Ресейді тежеуге ұмтылуының арқасында бұл адамдардың бәрі күнкөріссіз көшеде қалады. Мен сізге тікелей сөйлеп тұрмын, Эммануэль Макрон. Сіз бұл мәселені шеше аласыз ба, жоқ па?»

«Папи» лақап аты бар қолданушы мысқылмен былай деп жазды: «Ресей экономикасын тізе бүктіргісі келген, бірақ оның орнына бүкіл Францияны ішінара жұмыссыздықпен қамтамасыз еткен саяси көшбасшыларымызды құттықтаймыз. Бәрекелді!»

«Informationin France» лақап аты бар пайдаланушы былай деп атап өтті: «Егер мұндай беделді компания электр энергиясының тым жоғары бағасына байланысты тоқтаса, онда бұл көптеген басқа француз фирмалары үшін нашар алғышарт болуы мүмкін. Біздің үкімет Францияда болатын әлеуметтік апатты тоқтата алмайды деп қорқамын».