FinExpertiza: ресейлік компаниялардың қарыз жүктемесі 51,1 пайызды құрайды

Фото: Евгений Одиноков / РИА Новости

Ресейлік компаниялар қарызға батып кетті. Мұндай қорытындыға FinExpertiza халықаралық консалтингтік компаниясы жүргізген (Lenta.ru сайтында қолжетімді) зерттеу авторлары келді.

Авторлардың есептеулері бойынша 2021 жылғы қыркүйектің аяғында ірі және орта компаниялардың міндеттемелері құрылымындағы қарыз қаражатының үлесі 51,1 пайызды құрады. 48,9 пайызы өз қаражатына тиесілі.

FinExpertiza мәліметінше, бұл жағдай 2020 жылдың наурыз айында коронавирустық пандемия басталғаннан бері сақталып келеді. Кәсіпорындары ең көп берешегі бар және қарыздық қаржыландыруға тәуелді аймақтардың ішінде Чувашия (қарыз активтерінің орташа 139,3 пайызын құрайды), Ингушетия (52 пайыз), Дағыстан (34,1 пайыз) көш бастап тұр.

Ең қолайлы жағдай Ханты-Мансийск автономиялық округінде (барлық міндеттемелердің 80,8 пайызы капитал), Сахалин облысында (78,6 пайыз) және Комиде (72,8 пайыз) қалыптасты.

Авторлар ең қарызы бар сала ретінде қонақүй бизнесі мен қоғамдық тамақтандыруды, құрылыс индустриясы мен ағаш өңдеу саласын атады. Ресей экономикасының ең тәуелсіз салалары: мемлекеттік басқару және әлеуметтік қамсыздандыру, білім беру және сумен қамтамасыз ету.

Меншікті қаражат пен қарыздың оңтайлы арақатынасы екіден бірге пропорция болып саналады. Ерекшелік қаржы секторы, атап айтқанда банк секторы болып табылады, өйткені бұл жағдайда бизнес несие беру арқылы тартылған қаражатты қайта бөлуге негізделген.