Президент Ердоған инфляцияны түрік экономикасының басты проблемасы деп атады

Фото: Валентин Огиренко / Reuters

Түркия билігі бағаның өсуімен күресу шараларын қолға алуды жоспарлап отыр. Бұл туралы президент Режеп Тайып Ердоған айтты, деп хабарлайды Anadolu агенттігі.

«Қазір біздің басты проблемамыз – жоғары инфляция. Оны да еңсереміз», – деп, мұны басты міндет деп атады. Ердоғанның айтуынша, түрік билігі негізгі азық-түлік тауарларына ҚҚС-тың төмендеуі бағаға әсер ете ме, жоқ па, соны қадағалайтын болады. Билік бұл шараға қарсы шыққан компанияларға да санкция салады. Сонымен қатар, президент электр энергиясы мен газ бағасының қымбаттауы жағдайында отбасылар мен бизнесті қолдау шараларын жариялады.

Түркиядағы жылдық инфляция қаңтарда рекордты жаңартып, 50 пайызға жуықтады. «Бұл Ердоғанның ақша-несие саясатындағы сәтсіз экспериментінің нәтижесі. Түркияның Орталық банкі мөлшерлемені көтеруге мүмкіндігі болмаса, инфляциямен қалай күресетінін айту қиын», — деді Тимоти Эш, BlueBay Asset Management компаниясының дамушы нарықтар бойынша аға стратегі.

TradingView ұсынған USDTRY бағамы

Bloomberg сауалнамасына қатысқан сарапшылар Түркия Орталық банкінің ақпан айындағы отырысында мөлшерлемені өзгеріссіз қалдыратынына сенімді. Макроэкономикалық жағдайлар қатаңырақ саясатты талап етеді, бірақ басшылық төмен пайыздық мөлшерлемелерді қалайды, дейді олар.

Монетарлық қатаңдату болмаған жағдайда Fitch Ratings Түркияның тәуелсіз рейтингін төмендетті. Түрік лирасы өткен жылы баға өсімінің ұдайы жылдамдауы жағдайында Ердоғанның ставкаларды көтеруден бас тартуына байланысты өз құнының 44 пайызын жоғалтты.