Украинадағы қақтығыс Қытайда көмір бағасының өсуіне әкелді

Фото: Aly Song / Reuters

Қытайдың көмір жоспарлары энергия бағасының өсуіне байланысты рельстен шығу қаупі бар. Бұл елдің баяу экономикалық өсіміне тағы бір соққы болуы мүмкін, деп жазады Bloomberg.

Көмір бағасы көтеріліп жатыр, өйткені Украинадағы қақтығыс электр қуатының үзілуіне алып келеді деген қауіп жанармайға деген сұранысты арттырып отыр. Shaw & Partners Ltd сарапшысы Питер О’Коннор: «Бұл шиеленіс сақталса, біз бағаның жоғары болып қалатынын көреміз», — деді.

Қытайдың мемлекеттік жоспарлау агенттігі көмір бағасын төмендету бойынша шаралардың кезекті кезеңін жариялап, белгілі бір диапазон бұзылса, араласамыз деп қорқытты. Бірақ Қытайдың көмір нарығы қаншалықты үлкен болса да, елді энергия бағасының өсуінен толықтай қорғай алмайды, деп жазады газет.

Билік бақылай алмайтын факторлардың саны өлшеусіз өсті. Мәселен, мұнай барреліне 100 доллардан асты, ал кейбір қытайлық газ бағасы рекордтық деңгейге жетті, өйткені былтырғы жаһандық энергетикалық дағдарыс геосаяси жағдайға байланысты жаңа дағдарысқа ұласты.

Бейжің көмір бағасын төмендете алмаса, елдің өнеркәсіптік базасы электр қуатының қымбаттауынан жақсы қорғана алмайды, дейді сарапшылар. Дегенмен, Украина төңірегіндегі жағдай өнеркәсіп үшін жаңа көмір жеткізуге жол ашуы мүмкін.

Санкция салдарынан Ресей тауарлары еуропалық нарыққа жетпесе, Қытайға көбірек көмір түсуі ықтимал. Ресей оның екінші жеткізушісі. Ақпан айында екі ел алдағы төрт-бес жылда сауда көлемін екі есе арттыруға тиіс келісімге қол қойды.

Бұған дейін Германия ресейлік газ бен көмірден бас тартуға шешім қабылдады. Германияның Экономика министрі Роберт Хабек те «Солтүстік ағын-2» газ құбырын іске қосу қысқа және орта мерзімді перспективада мүмкін емес екенін айтты.